بیجنگ (ویب ڈیسک) ہانگ کانگ میں قومی سلامتی قانون کی خلاف ورزی ، چین مخالف اور ہانگ کانگ میں بدامنی پھیلانے والے مقدمات میں ملزم قرار دیے گئے جمی لائی اور ایپل ڈیلی سمیت تین کمپنیوں کے خلاف سزاؤں کا اعلان کیا گیا۔ ہانگ کانگ خصوصی انتظامی علاقے کی ہائی کورٹ نے اسی روز فیصلہ سناتے ہوئے جمی لائی کو غیر ملکی قوتوں سے سازباز کی دو سازشوں اور اشتعال انگیز مواد کی اشاعت کی سازش کے ایک جرم میں مجموعی طور پر 20 سال قید کی سزا سنائی۔
عدالت کے فیصلے کے مطابق، اسی مقدمے میں شریک دیگر ملزمان میں چن زی وا کو 6 سال 3 ماہ اور اینڈی لی یو ہین کو 7 سال 3 ماہ قید کی سزا دی گئی۔اس مقدمے میں جمی لائی ، ایپل ڈیلی لمیٹڈ، ایپل ڈیلی پرنٹنگ لمیٹڈ اور ایپل ڈیلی انٹرنیٹ لمیٹڈ پر اشتعال انگیز مواد کی اشاعت اور غیر ملکی قوتوں سے سازباز کی سازش کے الزامات عائد کیے گئے تھے۔ اس کے علاوہ جمی لائی پر غیر ملکی قوتوں سے سازباز کی ایک اور سازش کا الزام بھی ثابت ہوا ہے۔
