بیجنگ (ویب ڈیسک) کمیونسٹ پارٹی آف چائنا کی مرکزی کمیٹی کے جنرل سیکرٹری اور چین کے صدر شی جن پھنگ اور ان کی اہلیہ پھنگ لی یوان نے پیانگ یانگ میں ورکرز پارٹی آف کوریا کے جنرل سیکرٹری اور ریاستی امور کمیشن کے چیئرمین کم جونگ اُن کی جانب سے دیئے گئے استقبالیہ عشائیے میں شرکت کی۔پیر کے روزاس موقع پر صدر شی جن پھنگ نے کہا کہ اس دورے کے دوران ان کے اور کم جونگ اُن کے درمیان اہم اتفاقِ رائے قائم ہوا ہے۔ انہوں نے کہا کہ دونوں فریق اس بات پر متفق ہیں کہ سوشلسٹ مستقبل کی اسٹریٹجک بلندی سے عالمی رجحانات کو سمجھنا، دونوں ممالک کے عوام کی مشترکہ خواہشات کے مطابق آگے بڑھنا اور اعلیٰ سطحی روابط کو مزید مضبوط کرنا ضروری ہے۔
اس کے ساتھ ساتھ اسٹریٹجک رابطوں کو گہرا کرنا، عملی تعاون کو فروغ دینا اور عوامی سطح پر تعلقات کو مزید بہتر بنانا بھی اہم ہے، تاکہ چین-شمالی کوریا تعلقات کی اعلیٰ معیار کی ترقی کو آگے بڑھایا جا سکے، دونوں ممالک کے سوشلسٹ نصب العین کے لیے مزید روشن مستقبل کی راہیں ہموار ہوں اور انسانی معاشرے کی مشترکہ ترقی کو فروغ ملے۔کم جونگ اُن نے کہا کہ انہیں جنرل سیکرٹری شی جن پھنگ سے نو ماہ بعد دوبارہ ملاقات کا موقع ملا، جو یقیناً شمالی کوریا اور چین کی دوستی کو مزید تیز رفتار اور مضبوط ترقی کی جانب لے جائے گا اور خطے اور دنیا میں امن و استحکام کے فروغ میں بھی مثبت کردار ادا کرے گا۔
