دونوں ممالک کی ہمہ گیر اسٹریٹجک شراکت داری اعلیٰ سطحی ترقی پر ہے، شی جن پھنگ
بیجنگ (ویب ڈیسک) چین کے صدر شی جن پھنگ نے بیجنگ میں روسی وزیر خارجہ سرگئی لاوروف سے ملاقات کی۔بدھ کے روزشی جن پھنگ نے کہا کہ اس سال چین-روس اسٹریٹجک شراکت داری کے قیام کی تیسیوں سالگرہ ہے، اور "چین-روس خوشگوار ہمسائگی، دوستی اور تعاون کے معاہدے” پر دستخط ہوئے 25 سال مکمل ہو چکے ہیں۔ دونوں ممالک کی ہمہ گیر اسٹریٹجک شراکت داری اعلیٰ سطحی ترقی پر ہے اور ہر شعبے میں تعاون کے نتائج حاصل ہوئے ہیں ۔ شی جن پھنگ کا کہنا تھا کہ پیچیدہ بین الاقوامی حالات کے پیش نظر ، چین-روس تعلقات کا استحکام اور یقین خاص طور پر قیمتی ہے۔ انہوں نے کہا کہ دونوں ممالک کو سربراہان کے درمیان ہونے والے اہم اتفاق رائے پر مکمل عمل درآمد کرنا چاہیے، اسٹریٹجک مواصلات کو مضبوط کرنا چاہیے، سفارتی ہم آہنگی کو اور بڑھانا چاہیے، اور چین-روس ہمہ گیر اسٹریٹجک شراکت داری کو آگے بڑھانا چاہیے۔
صدر شی جن پھنگ نے زور دیا کہ دنیا کی غیر معمولی تبدیلی کے سامنے، چین اور روس کو زیادہ قریبی اور مضبوط اسٹریٹجک تعاون کے ذریعے دونوں ممالک کے جائز مفادات کا مضبوط دفاع کرنا چاہیے، گلوبل ساؤتھ ممالک کے اتحاد کو قائم رکھنا چاہیے، اور بڑے ممالک اور اقوام متحدہ کی سلامتی کونسل کے مستقل رکن کے طور پر ذمہ داری اور کردار کا مظاہرہ کرنا چاہیے۔سرگئی لاوروف نے کہا کہ دونوں ممالک کے سربراہان کی اسٹریٹجک قیادت کے تحت، روس-چین تعلقات نے پیچیدہ بیرونی ماحول میں اعلیٰ لچک کا مظاہرہ کیا ہے۔ تجارتی اور سرمایہ کاری کا عمدہ رجحان برقرار ہے ، اور افرادی و ثقافتی تبادلے دن بہ دن بڑھ رہے ہیں۔انہوں نے کہا کہ روس چین کے ساتھ مل کر روس-چین تعلقات کو مزید ترقی دینے اور عالمی امن و استحکام میں زیادہ حصہ ادا کرنے کا خواہاں ہے۔
