بیجنگ (ویب ڈیسک) چودہویں قومی عوامی کانگریس کے چوتھے اجلاس میں اقتصادی موضوع پر ایک پریس کانفرنس کا اہتمام کیا گیا ۔ نیشنل ڈویلپمنٹ اینڈ ریفارمز کمیشن کے سربراہ زنگ شین جیئے نے پریس کانفرنس میں بتایا کہ توقع ہے کہ اس سال کے جی ڈی پی میں اضافہ 6 ٹریلین یوان سے زیادہ ہوگا، جو روزگار کو مستحکم کرنے، عوام کی فلاح و بہبود کو یقینی بنانے اور خطرات سے بچاؤ کے لیے مضبوط حمایت فراہم کرے گا۔
زنگ شین جیئے نے کہا کہ اس سال کے اقتصادی ترقی کے اہداف حاصل کرنے کے لیے مضبوط بنیاد موجود ہے جس میں چین کے انتہائی بڑے پیمانے کی اقتصادی طاقت، جدت کی توانائی اور پیش رفت، اور نظام سمیت طریقہ کار وغیرہ جیسے دیگر فوائد شامل ہیں ، جو ہمیں طاقتور اعتماد اور یقین دلاتے ہیں کہ ہم ہر طرح کے خطرات اور مارکیٹ کے اتار چڑھاؤ کا مقابلہ کر سکیں اور اپنے مقررہ اور متوقع اہداف حاصل کر سکیں۔ وزیر خزانہ لان فو آن نے اس پریس کانفرنس میں کہا کہ گزشتہ سال ہم نے پہلی بار زیادہ فعال مالیاتی پالیسی نافذ کی، اور مائکرو اکنامک کنٹرول میں مزید اضافہ کیا۔
اس سال بھی ہم زیادہ فعال طرز عمل جاری رکھیں گے ، گزشتہ سال کی کل مقدار کی توسیع کی بنیاد پر رفتار برقرار رکھیں گے تاکہ "پندرہویں پانچ سالہ منصوبے ” کے بہترین آغاز کے لیے مضبوط حمایت فراہم کی جا سکے ۔
