چین بھارت کی جانب سے غیر قانونی طور پر قائم کیے گئے نام نہاد "اروناچل پردیش” کو کسی صورت تسلیم نہیں کرتا، ترجمان
بیجنگ (ویب ڈیسک) رپورٹس کے مطابق، بھارت نے نام نہاد "اروناچل پردیش” کے 27 مقامات کے ناموں کو بظاہر "معیاری”قرار دینے کا اعلان کیا ہے۔ اس حوالے سے چینی وزارتِ خارجہ کے ترجمان گو جیا کھون نے کہا کہ زانگ نان کا علاقہ چین کی سرزمین کا حصہ ہے اور چین بھارت کی جانب سے غیر قانونی طور پر قائم کیے گئے نام نہاد "اروناچل پردیش” کو کسی صورت تسلیم نہیں کرتا۔
ترجمان نے کہا کہ بھارت کی جانب سے مقامات کے ناموں کو نام نہاد "معیاری” قرار دینا چین کی جانب سے طویل عرصے سے استعمال کیے جانے والے جغرافیائی ناموں کو تبدیل کرنے کی کوشش ہے۔ یہ اقدام غیر قانونی اور کالعدم ہے اور زانگ نان کے چین کا حصہ ہونے کی حقیقت کو کسی صورت تبدیل نہیں کر سکتا۔