سول کوڈ نے شہری حقوق کا ایک مکمل نظام تشکیل دیا ہے
بیجنگ (ویب ڈیسک) اس سال کے دو اجلاسوں کے دوران، قومی عوامی کانگریس عوامی جمہوریہ چین کے ماحولیاتی ضابطہ قانون ) مسودہ( پر غور کررہی ہے۔ یہ چین کا دوسرا ضابطہ قانون ہوگا، جبکہ پہلا ضابطہ سول کوڈ ہے۔ سول کوڈ نے شہری حقوق کا ایک مکمل نظام تشکیل دیا ہے، جبکہ ماحولیاتی ضابطہ قانون ایک منظم ماحولیاتی تحفظ کے نظام کی تشکیل کا ہدف رکھتا ہے۔ اگرچہ یہ دونوں ضابطے مختلف شعبوں سے تعلق رکھتے ہیں، مگر ان کا نقطہ آغاز ایک ہی ہے: عوام کے حقوق کا تحفظ اور عوامی فلاح و بہبود کو بہتر بنانا، اور ان کا اصل مقصد "عوام” ہی ہے۔ چین کے موجودہ ماحولیاتی قوانین و ضوابط میں 30 سے زائد قومی قوانین، 100 سے زائد انتظامی ضوابط، اور 1,000 سے زائد مقامی ضوابط شامل ہیں۔
مجوزہ ضابطہ میں آلودگی کی روک تھام سے متعلق قوانین، پانی کا قانون، جنگلات کا قانون، چراگاہوں کا قانون، معدنی وسائل کا قانون، توانائی کے تحفظ کا قانون اور دیگر وسائل و توانائی کے قوانین شامل ہیں ، جبکہ موسمیاتی تبدیلی جیسے بعض خالی شعبوں کے بارے میں اصولی اور پیش بینی پر مبنی دفعات بھی شامل کی گئی ہیں۔ اس سے ماحولیاتی تہذیب کی تعمیر کے لیے زیادہ منظم قانونی رہنمائی فراہم ہوگی اور خوبصورت چین کی تعمیر کے لیے مضبوط قانونی ضمانت میسر آئے گی۔خوشگوار ماحول سب سے جامع عوامی بھلائی ہے۔ صاف پانی اور نیلے آسمان سے لے کر محفوظ خوراک تک، یہ سب عوام کی مشترکہ ضروریات ہیں۔ ماحولیاتی ضابطہ قانون کا مقصد ماحولیاتی قوانین کو منظم انداز میں یکجا کر کے عوامی خدشات کا جواب دینا اور عوامی فلاح و بہبود کے لیے گہری توجہ کا اظہار کرنا ہے۔
مثال کے طور پر، مسود ہ قانون میں موجودہ فضائی آلودگی کی روک تھام کے قانون جیسے علیحدہ قوانین کو "آلودگی کی روک تھام اور کنٹرول ” کے باب میں یکجا کیا گیا ہے، جس کے ذریعے آلودگی کی روک تھام سے لے کر اس کے مکمل انتظام تک ایک جامع نظام تشکیل دیا گیا ہے۔ اس کا براہِ راست تعلق اس مسئلے سے ہے جس پر عوام سب سے زیادہ توجہ دیتے ہیں، یعنی فضائی آلودگی۔ اسی طرح مسود ہ قانون میں زور دیا گیا ہے کہ شہری اور دیہی علاقوں میں شجرکاری مقامی حالات کے مطابق کی جائے، درختوں کی اقسام کا سائنسی انتخاب کیا جائے اور صحت مند، محفوظ اور قابلِ رہائش ماحول کی ضروریات کو مدنظر رکھا جائے۔ یہ دراصل ان عوامی خدشات کا جواب ہے جو بعض درختوں کے روئیں، پولن الرجی یا دیگر اثرات سے متعلق ہوتے ہیں۔اسی طرح مسودے میں شور کی سطح کے معیارات کے بارے میں واضح ضوابط شامل کیے گئے ہیں اور قانون نافذ کرنے والے اداروں سے سخت نگرانی کا مطالبہ کیا گیا ہے۔
عوامی مقامات کے منتظمین، پراپرٹی انتظامیہ اور کمیونٹی کی کمیٹیاں بروقت ثالثی کریں گی۔ یہ اقدامات عوام کے شور سے متعلق خدشات کا جواب ہیں۔قانون سازی سے لے کر اس کے نفاذ تک، چین میں ماحولیاتی تحفظ عوامی فلاح سے وابستہ ہے اور عوام کی دانش پر بھی انحصار کرتا ہے۔ مسودہ قانون میں "عوامی شرکت” کو ایک بنیادی اصول قرار دیا گیا ہے۔ اس میں خاص طور پر”معلومات کی شفافیت اور عوامی شرکت” پر زور دیا گیا ہے، جس کے ذریعے آگاہی، شرکت، نگرانی اور قانونی چارہ جوئی تک عوامی حقوق کی مکمل زنجیر قائم کی گئی ہے۔ یوں ” حکومتی قیادت” پلس "عوامی شرکت” پر مبنی زیادہ دانشمند اور سائنسی ماحولیاتی تحفظ کا نمونہ تشکیل دیا گیا ہے۔
مثال کے طور پر، فضائی آلودگی، شور اور درختوں کے روئیں یا پولن جیسے مسائل وہ ہیں جن پر عوام کی جانب سے زیادہ توجہ دلائی گئی ہے۔ قانون ساز ادارہ عوامی رائے جمع کرتا ہے ، ان کی بنیاد پر مسودہ قوانین اور ضوابط تیار کرتا ہے، اور انہیں نچلی سطح کے قانون سازی رابطہ مراکز کو بھی بھیجا جاتا ہے تاکہ مزید عوامی تجاویز حاصل کی جا سکیں۔ بتایا جاتا ہے کہ اس سے قبل ماحولیاتی ضابطہ قانون کے مسودے کو 40 رابطہ مراکز کو بھیجا گیا تھا۔ اس عمل کے دوران عوام کی ہزاروں آرا کو سنجیدگی سے شامل کیا گیا۔ اس سے قانون سازی کی سائنسی، جامع اور مؤثر حیثیت یقینی بنی، جو ہمہ گیر عوامی طرز جمہوریت کی ایک واضح مثال ہے۔
ماحولیاتی تحفظ نہ صرف چینی عوام کی وسیع فلاح و بہبود سے متعلق ہے بلکہ موسمیاتی تبدیلی، ماحولیاتی آلودگی اور حیاتیاتی تنوع کے بحران جیسے عالمی چیلنجوں سے بھی گہرا تعلق رکھتا ہے۔ زیر غور مسود ہ قانون میں”سبز اورکم کاربن ترقی ” کے لیے ایک مستقل باب شامل کیا گیا ہے۔ یہ نہ صرف چین کے اعلیٰ معیار کی ترقی کے عزم اور عالمی برادری کے ساتھ مل کر موسمیاتی چیلنجوں کا مقابلہ کرنے اور ایک صاف دنیا کی تعمیر کی خواہش کو ظاہر کرتا ہے بلکہ اقتصادی ترقی اور ماحولیاتی تحفظ کے درمیان توازن کے لیے چین کے تصورات اور طرز عمل کو بھی پیش کرتا ہے، اور ایک خوشحال اور خوبصورت دنیا کے لیے چین کی طاقت اور مشرقی دانش فراہم کرتا ہے۔