لان چھانگ -میگانگ تعاون ایک نئی قسم کا علاقائی تعاون کا طریقہ کار ہے، چینی وزیر خارجہ
بیجنگ (ویب ڈیسک) لان چھانگ -میگانگ تعاون کے وزرائے خارجہ کا دسواں اجلاس یو ن نان کے آن ننگ شہر میں منعقد ہوا ۔اجلاس کا موضوع تھا "سنہری دہائی: اتحاد کی اصل خواہش کو برقرار رکھنا اور ایک ساتھ ایک بہتر گھر کی تعمیر”۔ ہفتہ کے روز چینی میڈ یا کے مطابق چین کے وزیر خارجہ وانگ ای اور تھائی لینڈ کے وزیر خارجہ مالی سیان فونگ نے اس اجلاس کی مشترکہ صدارت کی۔ کمبوڈیا کے نائب وزیر اعظم اور وزیر خارجہ پراک سوکھون، لاؤٹس کے وزیر خارجہ تھونگ ساونگ، میانمار کے وزیر خارجہ تھانٹ سو، اور ویتنام کے نائب وزیر اعظم اور وزیر خارجہ بوئی تھانہ سون نے بھی اجلاس میں شرکت کی۔
وانگ ای نے کہا کہ لان چھانگ -میگانگ تعاون ایک نئی قسم کا علاقائی تعاون کا طریقہ کار ہے جس پر بیسن ممالک کے درمیان مشترکہ طور پر تبادلہ خیال، تعمیر اور اشتراک کیا گیا ہے۔ 10 سال کی محنت کے بعد یہ مکانزم اب پھل پھول رہا ہے اور اس کے نتیجہ خیز ثمرات برآمد ہوئے ہیں۔وانگ ای نے اس بات پر زور دیا کہ ایک نئے نقطہ آغاز پر موجود ، تمام فریقوں کو، ایک واضح خاکہ، مضبوط عزم اور زیادہ عملی اقدامات کے ساتھ، اتحاد ،کھلے پن اور جیت جیت تعاون، ، سبز اختراع، اور امن و سکون پر مشتمل ” لان چھانگ – میگانگ تعاون 2.0ورژن” کی تعمیر کی کوشش کرنا چاہیے اور مشترکہ طور پر لان چھانگ – میگانگ تعاون کی ایک نئی سنہری دہائی کا آغاز کرتے ہوئے امن اور خوشحالی کی طرف متعلقہ ممالک کے ہم نصیب معاشرے کی تعمیر کو تیز کرنا چاہیئے۔
وانگ ای نے اس موقع پر چار تجاویز پیش کیں: سب سے پہلے، میکانزم کی ترقی کو مسلسل آگے بڑھانے کے لیے اعلیٰ سطح کے ڈیزائن کو مضبوط کریں ۔ دوسرا، جدید ترقی پر عمل کریں اور عملی تعاون کو تیز کریں۔ تیسرا، ہم آہنگی اور مستحکم ماحول کو محفوظ بنانے کے لیے قانون نافذ کرنے کے حوالے سے تعاون کو گہرا کریں اور چوتھا، اچھے ہمسایہ تعلقات کے فروغ کے لیے ثقافتی اور افرادی تبادلوں کو مضبوط بنائیں۔فریقین نے گزشتہ 10 برسوں میں لان چھانگ- میگانگ تعاون کی کامیابیوں کی تعریف کی اور اچھے ہمسایہ تعلقات کے عزم اور تعاون کو فروغ دینے میں اہم قائدانہ کردار پر چین کی بھی تعریف کی۔
