بیجنگ :چینی صدر شی جن پھنگ نے اولے مادیسے کو جمہوریہ ایسٹونیا کی صدر کا حلف اٹھانے پر مبارکباد کا پیغام بھیجا ہے۔پیر کے روز اپنے پیغام میں شی جن پھنگ نے کہا کہ چین اور ایسٹونیا کی دوستی ایک روایتی دوستی ہے۔ حالیہ برسوں میں، دونوں ممالک کے تعلقات کی مستحکم ترقی کا رجحان برقرار رہاہے، اور مختلف شعبوں میں تبادلے اور تعاون میں مسلسل پیش رفت ہوئی ہے، جس سے دونوں ممالک کے عوام کو فائدہ پہنچا ہے۔ شی جن پھنگ نے کہا کہ وہ چین ایسٹونیا تعلقات کی ترقی کو بہت اہمیت دیتے ہیں اور دونوں ممالک کے درمیان سفارتی تعلقات کے قیام کی پینتیسویں سالگرہ کے موقع سے فائدہ اٹھا کر سیاسی باہمی اعتماد کو بڑھانے، باہمی فائدہ مند تعاون کو فروغ دینے اور افرادی و ثقافتی تبادلوں کو وسعت دینے کے لئے صدر مادیسے کے ساتھ مل کر کام کرنے کے لئے تیار ہیں تاکہ موجودہ دور میں مختلف شعبوں میں دوطرفہ تعلقات کو مسلسل بڑھایا جائے۔
