بیجنگ (ویب ڈیسک) جاپان میں چینی سفارتخانے میں جاپانی گراؤنڈ سیلف ڈیفنس فورس کے اہلکار کے زبردستی داخل ہونے اور بعد ازاں پولیس کی جانب سے گرفتاری کے واقعے کے تناظر میں ٹوکیو میٹروپولیٹن پولیس ڈیپارٹمنٹ کے پبلک سیکیورٹی بیورو نے متعلقہ فوجی یونٹ اور اس سے وابستہ رہائش گاہوں پر سرچ آپریشن شروع کیا۔
واضح رہے کہ جاپان میں چینی سفارتخانے کے مطابق 24 تاریخ کی صبح جاپانی سیلف ڈیفنس فورسز کا اہلکار ہونے کا دعویٰ کرنے والا ایک مجرم دیوار پھلانگ کر زبردستی چینی سفارت خانے میں داخل ہوا اور چینی سفارت کاروں کو جان سے مارنے کی دھمکی دی۔ اس واقعے پر چینی سفارت خانے نے شدید احتجاج کرتے ہوئے جاپانی حکومت سے مطالبہ کیا کہ وہ ذمہ دارانہ وضاحت فراہم کرے۔تاحال، جاپانی حکومت کی جانب سے صرف "افسوس” کا اظہار کیا گیا اور معذرت یا کسی واضح احتسابی اقدام کا کوئی ذکر سامنے نہیں آیا۔
